ਸਬਡਵੀਜਨ ਫਿਲੌਰ ਦੇ ਪੱਤਰਕਾਰ ਭਾਈਚਾਰੇ ਵੱਲੋਂ ਅੱਜ ਦੇਸ਼ ਦੇ ਰਾਸ਼ਟਰਪਤੀ ਨੂੰ ਇੱਕ ਮੰਗ ਪੱਤਰ ਭੇਜਿਆ ਗਿਆ। ਫਿਲੌਰ ਦੇ ਐਸਡੀਐਮ ਰਾਹੀਂ ਭੇਜੇ ਇਸ ਮੰਗ ਪੱਤਰ 'ਚ ਮੰਗ ਕੀਤੀ ਗਈ ਕਿ ਕੁੱਝ ਦਿਨ ਪਹਿਲਾ 'ਦਾ ਟ੍ਰਿਬਿਊਨ' ਦੇ ਪੱਤਰਕਾਰ ਵੱਲੋਂ 'ਅਧਾਰ' ਨਾਲ ਸਬੰਧਤ ਇੱਕ ਸਟੋਰੀ ਛਾਇਆ ਕੀਤੀ ਸੀ, ਜਿਸ ਉਪਰੰਤ ਅਧਾਰ ਅਥਾਰਿਟੀ ਵੱਲੋਂ ਪੱਤਰਕਾਰ ਅਤੇ ਹੋਰਨਾ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾਈ ਗਈ ਹੈ। ਇਹ ਐਫਆਈਆਰ ਪ੍ਰੈੱਸ ਦੀ ਅਜ਼ਾਦੀ 'ਤੇ ਸਿੱਧਾ ਹਮਲਾ ਹੈ। ਵਿਭਾਗ ਵੱਲੋਂ ਆਪਣੇ ਪੱਧਰ 'ਤੇ ਜਾਂਚ ਕਰਨ ਦੀ ਥਾਂ ਪੱਤਰਕਾਰ ਨੂੰ ਇਸ ਕੇਸ 'ਚ ਸ਼ਾਮਲ ਕੀਤਾ ਗਿਆ ਹੈ। ਪੱਤਰਕਾਰਾਂ ਨੇ ਮੰਗ ਕੀਤੀ ਕਿ ਪ੍ਰੈੱਸ ਦੀ ਅਜ਼ਾਦੀ ਨੂੰ ਹਰ ਹਾਲਤ ਬਹਾਲ ਰੱਖਿਆ ਜਾਵੇ ਤਾਂ ਜੋ ਲੋਕਤੰਤਰੀ ਦੇਸ਼ 'ਚ ਸਰਕਾਰਾਂ ਦੀਆਂ ਚੰਗਿਆਈਆਂ ਅਤੇ ਬੁਰਾਈਆਂ ਲੋਕਾਂ ਦੇ ਸਾਹਮਣੇ ਨਾਲੋਂ ਨਾਲ ਆ ਸਕਣ।
